នាយករដ្ឋមន្ត្រីថៃ លោកប្រាយុធ (កណ្តាល) នៅក្លិបកងទ័ព។ BKP |
ក្រុងបាងកកៈ អ្នកនាំពាក្យរងរដ្ឋាភិបាល លោក Sansern Kaewkamnerd បាននិយាយពីថ្ងៃចន្ទថា របបយោធាថៃនឹងនៅក្នុងអំណាចរហូតដល់ខ្លួនសម្រេចបានតាមគោលដៅរបស់ខ្លួន ឬដរាបណាកិច្ចប្រឹងប្រែងហិង្សា ដើម្បីផ្តួលរំលំរដ្ឋាភិបាលនៅបន្ត។
សម្តីរបស់ឧត្តមសេនីយ៍ទោ Sansern ត្រូវបានធ្វើឡើង ជាការឆ្លើយតបទនឹងការទស្សន៍ទាយរបស់ហារាល្បីឈ្មោះ លោក Warin Buawiratlert ដែលថា ឧត្តមសេនីយ៍ ប្រាយុធ ចានអូចា នឹងបន្តធ្វើជានាយករដ្ឋមន្ត្រី សម្រាប់រយៈពេលយ៉ាងតិចក៏បីឆ្នាំដែរ។
លោក បាននិយាយថា ឧត្តមសេនីយ៍ ប្រាយុធ មិនចង់នៅក្នុងអំណាចវែងជាចាំបាច់នោះទេ ប៉ុន្តែលោកនឹងមិនបោះបង់ចោលតំណែងរបស់លោកទេ រហូតដល់ការងាររបស់របបយោធានេះ បានសម្រេច។
លោក Sansern រូបនេះ បាននិយាយថា៖ «បើសិន អ្វីគ្រប់យ៉ាងវិវត្តទៅតាមផែនការ វានឹងមិនចាំបាច់សម្រាប់រដ្ឋាភិបាលបន្តការនៅក្នុងអំណាចរបស់ខ្លួនទេ។ លោកនាយករដ្ឋមន្ត្រីតែងតែនិយាយថា រដ្ឋាភិបាលលោកមិនស្រឡាញ់អំណាចទេ ប៉ុន្តែចង់ធ្វើការដើម្បីផលប្រយោជន៍ជាតិ»។
ឧត្តមសេនីយ៍ទោ Sansern បាននិយាយ ថា៖ «ប៉ុន្តែមានការប៉ុនប៉ងជាច្រើនដើម្បី កកូរភាពគ្មានសណ្តាប់ធ្នាប់ និងបង្កហេតុ និង បន្ទុចបង្អាក់ការងាររដ្ឋាភិបាលក្នុងមធ្យោបាយដែលរារាំងកំណែទម្រង់ជាតិមិនឲ្យវិវត្ត ទៅមុខ ឬបើសិនជាមានទង្វើដែលនាំទៅដល់ភាពចលាចល និងគ្រោះថ្នាក់ដល់ក្រុមមន្ត្រីប្រជាជន រដ្ឋាភិបាលនឹងគ្មានជម្រើសណាក្រៅពីឈរក្បែរប្រជាជនទេ»៕ IN
The Bangkok Post
Wed, 8 April 2015